ആലപ്പുഴ ജില്ലയിലെ ഏറ്റവും പുരാതനമായ പള്ളികളില്‍ ഒന്നാണ് പമ്പാനദിയുടെ തീരത്ത് സ്ഥിതി ചെയ്യുന്ന അതിമനോഹരമായ ചമ്പകുളം കല്ലൂര്‍ക്കാട് പള്ളി. ആലപ്പുഴയുടെ വശ്യസൗന്ദര്യവും, നൂറ്റാണ്ടുകളുടെ കഥകള്‍ ഉറങ്ങുന്ന പള്ളിയും ഏതൊരാളുടെയും മനസ്സ് കവരുന്നതാണ്.
പള്ളി : . A. D. 427 ലാണ് ചമ്പക്കുളം പള്ളിയുടെ സ്ഥാപനം. ആദ്യകാലത്ത് തോമാശ്ലീഹ സ്ഥാപിച്ച നിരണം പള്ളിയുടെ കീഴില്‍ ആയിരുന്നു ചമ്പകുളം പള്ളി. പിന്നീട് കലൂര്‍ക്കാട്‌ പ്രശസ്തമായ ഒരു വ്യാപാര കേന്ദ്രമാവുകയും മറ്റു ദേശങ്ങളില്‍ നിന്ന് ആളുകള്‍ ഇവിടേക്ക് വന്നു ചേരുകയും ഇവിടുത്തെ ക്രിസ്ത്യന്‍ സമൂഹം വളരുകയും ചെയ്തു. അതിന്‍റെ ഫലമായി ചമ്പക്കുളം പള്ളിയുടെ പ്രസക്തി വര്‍ദ്ധിച്ചു. ആലപുഴ ജില്ലയിലെ കത്തോലികാ ദേവാലയങ്ങളുടെയെല്ലാം മാതൃദേവലയമായാണ് ചമ്പക്കുളം പള്ളി കരുതപ്പെടുന്നത്.
കൊത്തുപണികള്‍ കൊണ്ട് അലങ്കരിക്കപെട്ട അള്‍ത്താര, മ്യുറല്‍ ചിത്രങ്ങളാല്‍ സമൃദ്ധമായ ചുമരുകള്‍, പോയകാലത്തിന്‍റെ ബാക്കിപത്രങ്ങളായ കല്‍ഫലകങ്ങള്‍ ഇവയൊക്കെയാണ് ചമ്പക്കുളം പള്ളിയിലെ കാഴ്ച്ചകള്‍. ചരിത്രത്തില്‍ താല്പര്യമുള്ള വിദേശികളും സ്വദേശികളുമായ ഒട്ടേറെ ആളുകള്‍ ഈ പള്ളി കാണുവാന്‍ വരാറുണ്ട്.
ചമ്പക്കുളം മൂലം വള്ളംകളി: ആറന്മുള വള്ളംകളി കഴിഞ്ഞാല്‍ കേരളത്തിലെ ഏറ്റവും പഴക്കമുള്ള വള്ളം കളികളില്‍ ഒന്നാണ് ചമ്പക്കുളം വള്ളംകളി. പമ്പാനദിയുടെ തീരത്ത് സ്ഥിതിചെയ്യുന്ന പള്ളിയുടെ മുന്‍പില്‍ കൂടിയാണ് മത്സരത്തില്‍ പങ്കെടുക്കുന്ന ചുണ്ടന്‍ വള്ളങ്ങള്‍ കുതിച്ചു പായാറുള്ളത്. പ്രശസ്തമായ ചമ്പകുളം ചുണ്ടന്‍റെ നാടുകൂടിയാണിത്.
NSC Network: http://www.nasrani.net/
Champakulam Church FB Page: https://www.facebook.com/Kalloorkadu-ST-Marys-Forane-Church-Champakulam-419014424851104/timeline/
Champakulam Chundan FB Page: https://www.facebook.com/champakulamchundan?fref=ts
No comments:
Post a Comment