തെരുവോരങ്ങളില്‍ വിവിധതരത്തിലുള്ള ചൂഷണങ്ങള്‍ക്ക് വിധേയരാകേണ്ടിവരുന്ന പെണ്‍കുഞ്ഞുങ്ങളെ
അതില്‍ നിന്ന് രക്ഷപ്പെടുത്തുക എന്നത് ജീവിതവ്രതമായി സ്വീകരിച്ചിരിക്കുകയാണ്
സിസ്റ്റര്‍ ക്ലാര.
സലേഷ്യന്‍ സിസ്റ്ററും ചെന്നൈയിലെ മരിയാലായ ചില്‍ഡ്രന്‍സ് ഹോമിന്‍റെ നടത്തിപ്പുകാരിയുമായ സിസ്റ്റര്‍ ക്ലാരയെ വിശേഷിപ്പിക്കാന്‍
ഇതിലപ്പുറം മറ്റൊന്നില്ല. കാരണം, അടിമവേലയ്ക്കും ഭിക്ഷാടനത്തിനും ലൈംഗികവൃത്തിക്കുമായി
ദുരുപയോഗിക്കപ്പെട്ടുപോകാമായിരുന്ന എത്രയോ അനാഥബാല്യങ്ങളെയാണ് തന്‍റെ സ്നേഹത്തിന്‍റെ
തണലിലേക്ക്‌ ചേര്‍ത്ത് നിര്‍ത്തി സിസ്റ്റര്‍ ക്ലാര സംരക്ഷിച്ചുകൊണ്ടിരിക്കുന്നത്.
ദിനംതോറും
ചെന്നൈയിലെ തെരുവോരങ്ങളിലൂടെ നടന്നു, ജീവിതത്തിന്‍റെ നേര്‍വഴികളില്‍നിന്ന്
വ്യതിചലിക്കപ്പെട്ടുപോകാന്‍ സാധ്യതയുള്ള അനേകം പെണ്‍കുഞ്ഞുങ്ങളെ കൈപിടിച്ച്
സിസ്റ്റര്‍ രക്ഷിച്ചുകൊണ്ടുവരുന്നു. ഇപ്രകാരം രണ്ടായിരത്തോളം പെണ്‍കുഞ്ഞുങ്ങളെ
താന്‍ രക്ഷിച്ചിട്ടുള്ളതായാണ് സിസ്റ്ററിന്‍റെ ഏകദേശ കണക്ക്. 1990ല്‍ ആണ് സിസ്റ്റര്‍ ഈ ദൌത്യം ഏറ്റെടുത്തത്. ഇപ്രകാരം
രക്ഷിച്ചുകൊണ്ട് വരുന്ന കുട്ടികള്‍ക്ക് വിദ്യഭ്യാസം, ആരോഗ്യസുരക്ഷ, ആത്മീയത,
ജീവിതത്തെക്കുറിച്ചുള്ള പോസിറ്റീവ് ചിന്ത തുടങ്ങിയവയെല്ലാം മരിയാലയ കൈമാറുന്നുണ്ട്.
സ്ഥലത്തെ പോലീസുമായി സഹകരിച്ച് ഹെല്‍പ് ലൈനും സിസ്റ്റര്‍ ക്രമീകരിച്ചിട്ടുണ്ട്.
ടാക്സി ഡ്രൈവര്‍മാരും വലിയ സഹായം ചെയ്യുന്നുണ്ടെന്ന് സിസ്റ്റര്‍ പറയുന്നു.
ഭിക്ഷാടനം, മനുഷ്യകടത്ത്, ലൈഗികവൃത്തി തുടങ്ങിയ അപകടങ്ങളില്‍പ്പെട്ടിരിക്കുകയാണെന്ന്
അറിയുന്ന ആര്‍ക്കും ഈ ഹെല്‍പ് ലൈനുമായി ബന്ധപ്പെട്ടു സഹായം തേടാം; കുട്ടികളെ
രക്ഷിച്ചെടുക്കാനും കഴിയും. ഈ പെണ്‍കുട്ടികള്‍ക്ക് സ്പിരിച്വല്‍ ഫോര്‍മേഷന്‍ നല്‍കാനും
സിസ്റ്റര്‍ ക്ലാര ശ്രദ്ധിക്കുന്നുണ്ട്. ദൈവം സ്നേഹിക്കുന്നുവെന്ന
തിരിച്ചറിവുണ്ടാകുമ്പോള്‍ അന്ന് വരെ സംഭവിച്ച എല്ലാ മുറിവുകളില്‍നിന്നും മോചനം
പ്രാപിക്കാന്‍ അവര്‍ക്ക് സാധിക്കുന്നുണ്ട്; സിസ്റ്റര്‍ പറയുന്നു.
Websites:
Reference:
Kudumbajyothis, March
2014
No comments:
Post a Comment