നിക്ക് : “No hands, No legs; No worries”

“No hands, No legs; No worries”
-Nick Vujicic

രണ്ടു കൈകളും രണ്ടു കാലുകളും ഇല്ലാത്ത ഈ ചെറുപ്പക്കാരന്‍ ഇത് വരെ സഞ്ചരിച്ചത് 44 രാജ്യങ്ങള്‍. സെല്‍ഫ് മോട്ടിവേഷനെ പറ്റിയും, ദൈവവിശ്വാസത്തെപറ്റിയും ഇത് വരെ അയാള്‍ സംവദിച്ചത് 5 ഭൂഖണ്ഡത്തില്‍ നിന്നുള്ള ഏകദേശം 30 ലക്ഷം മനുഷ്യരോട്.

പരസഹായം കൂടാതെ ഒന്ന് അനങ്ങുവാന്‍ പോലും പറ്റില്ലാത്ത അവസ്ഥയില്‍ നിന്ന്, മാതാപിതാക്കളുടെ പ്രോത്സാഹനവും, അയാളുടെ തന്നെ കഠിനപ്രയത്നവും ഉറച്ച ദൈവവിശ്വാസവും കൊണ്ട് നിക്ക് (Nick) മറികടന്നത് മനുഷ്യബുദ്ധിക്ക് അസാദ്ധ്യം എന്ന് തോന്നുന്ന കടമ്പകളാണ്. ലോകമെമ്പാടുമുള്ള എണ്ണമറ്റ മനുഷ്യരെ നിരാശയുടെ പടുകുഴിയില്‍ നിന്ന് ജീവിതത്തിലേക്ക് തിരിച്ചു കൊണ്ട് വന്നിട്ടുണ്ട് ഓസ്ട്രലിയക്കാരനായ ഈ ചെറുപ്പക്കാരന്‍.

പൊക്കകുറവിനെ പറ്റിയും, മുഖകുരുവിനെ പറ്റിയും, മുടികൊഴിച്ചിലിനെ പറ്റിയുമൊക്കെ പറഞ്ഞു വേവലാതിപ്പെടുന്ന മനുഷ്യര്‍ക്ക്‌ കാട്ടിക്കൊടുക്കാന്‍ ഇതിലും നല്ലൊരു ഉദ്ധാഹരണമില്ല...